واحد اسمه فتحي راح اشتغل صبى عند ميكانيكى

واحد اسمه فتحي راح اشتغل صبى عند ميكانيكى
وفى يوم قال لصاحب الورشه انا اعرف رئيس الحى
صاحب الورشه مصدقهوش
لكن بعد يومين مر رئيس الحى قدام الورشه وسلم على فتحي سلام حار جدا
صاحب الورشةاعجب بفتحي وشغله اسطى فى الورشه
وبعد يومين فتحي قال لصاحب الورشه انا اعرف الوزير قاله لا صعبة اوى دى
وفعلا بعد يومين مر الوزير قدام الورشه وسلم على فتحي
صاحب الورشه اتجنن وقال لفتحي
يابنى انا هجوزك بنتى وتمسك الورشه مكانى
وبعد يومين قال فتحي لصاحب الورشه انا اعرف أوباما
ولكن صاحب الورشه قال بلاش تضحك علي دى واسعه شويه
فتحي قاله تعال نسافر وانا هخليك تشوف بنفسك
وفعلا سافروا أمريكا ووقفوا امام البيت الابيض
وفتحي قال شوف الشباك الابيض الي هناك دا
حأطلع بعد شويه انا وأوباما ونقول لك هاى
وفعلا فتحي طلع هو وأوباما وقالوله هاااى
بعد خمس دقائق صاحب الورشه اغمى عليه وراح المستشفى
ولما فاق سأله فتحي ليه اغمى عليك علشان شفتنى انا وأوباما
صاحب الورشه قال :
لا انا اغمى علي مش علشان انت وأوباما واقفين فى الشباك
قاله امال اغمى عليك ليه ؟؟
قاله عشان عدى من قدامى اثنين امريكان بيسألونى
مين اللي واقف جنب فتحي دا .....